(1)
ف قلبى كلام ..
يطول شرحه
و قلبك ..
من بعيد لامحه
و لو قلته ..
يضيع طعمه
و لو أسكت
يزيد جرحه
(2)
اجمل ما فيك ..أيا زمن
انك صريح كده بالقوى
الضعيف ..
معروف وواضح
و القوى ..
معروف قوى
و اعجب ما فيك ..
إنه بمرور الزمن
القوى بيصبح ضعيف
و الضعيف يصبح .. قوى
(3)
اكمنى ليّا فيكى ..
أكتر من اللى ليكى ..
بادخل ما بين ضلوعك
.. و استعمرك بطوعك
و اتغذى من خضوعك
و يلوموا قلبى اسيبك
و تستقلى منى
و تانى استعمرك ..
من بين دموع عنيكى
(4)
بصيت للشمس ..
فلمحت الرقم المكتوب
فضربته ..
رديتى عليّ
طب ليه اللوم
على قلبى ؟
و لاّ ..
على قرص الشمس ؟!!
(5)
اعقل ما فىّ
جنون ..
معظم هوايا
ظنون ..
مجنون يا قلب البشر
ضيق
.. يا حضن الكون
(6)
مسرحية حبنا
انتهى آخر فصولها
بس مدرسة الألم
لسه فاتحة باب فصولها ..
ياللى حبك كله زيف
طلّ ف عنيكى الخريف
و السنة دى ..
.. لما بعتى
الربيع
غاب عن فصولها
(7)
على خط تمنتاشر قلبى
حسيت بالشوطة ..
الطالعة صاروخ من نن عنيكى
اتهزت شبكية قلبى ..
و جرينا انا و انت
نهلل بالهدف الأول
لكن يا خسارة ..
طلعت صفارة
حسبوها عليكى .. تسلل
(
خاطر ..
عشانك قلبى
ماعملّى يوم خاطر
و اصرخ : يا قلبى حرام
ليه بس بتخاطر
لا هو يوم كواه الشوق
و لا جينا ع الخاطر
قال لى :
هانخسر إيه
أدينا بنحاول
يمكن ف يوم يشعر
بينا ..
و نتخاطر
ف قلبى كلام ..
يطول شرحه
و قلبك ..
من بعيد لامحه
و لو قلته ..
يضيع طعمه
و لو أسكت
يزيد جرحه
(2)
اجمل ما فيك ..أيا زمن
انك صريح كده بالقوى
الضعيف ..
معروف وواضح
و القوى ..
معروف قوى
و اعجب ما فيك ..
إنه بمرور الزمن
القوى بيصبح ضعيف
و الضعيف يصبح .. قوى
(3)
اكمنى ليّا فيكى ..
أكتر من اللى ليكى ..
بادخل ما بين ضلوعك
.. و استعمرك بطوعك
و اتغذى من خضوعك
و يلوموا قلبى اسيبك
و تستقلى منى
و تانى استعمرك ..
من بين دموع عنيكى
(4)
بصيت للشمس ..
فلمحت الرقم المكتوب
فضربته ..
رديتى عليّ
طب ليه اللوم
على قلبى ؟
و لاّ ..
على قرص الشمس ؟!!
(5)
اعقل ما فىّ
جنون ..
معظم هوايا
ظنون ..
مجنون يا قلب البشر
ضيق
.. يا حضن الكون
(6)
مسرحية حبنا
انتهى آخر فصولها
بس مدرسة الألم
لسه فاتحة باب فصولها ..
ياللى حبك كله زيف
طلّ ف عنيكى الخريف
و السنة دى ..
.. لما بعتى
الربيع
غاب عن فصولها
(7)
على خط تمنتاشر قلبى
حسيت بالشوطة ..
الطالعة صاروخ من نن عنيكى
اتهزت شبكية قلبى ..
و جرينا انا و انت
نهلل بالهدف الأول
لكن يا خسارة ..
طلعت صفارة
حسبوها عليكى .. تسلل
(
خاطر ..
عشانك قلبى
ماعملّى يوم خاطر
و اصرخ : يا قلبى حرام
ليه بس بتخاطر
لا هو يوم كواه الشوق
و لا جينا ع الخاطر
قال لى :
هانخسر إيه
أدينا بنحاول
يمكن ف يوم يشعر
بينا ..
و نتخاطر