البنت لما حد يسئلها انتى مخطوبة..؟
زمان:-لسة ربنا مأذنش وتحط عينيها في الارض وتتكسف
دلوقتى:-لاء ليه عندك عريس؟
________________
الولد داخل ع باباه ياخد مصروفو
زمان:-ممكن يقول لمامته هى تقول لباباه انه عايز المصروف لانه محرج
دلوقتى:-ايه يامان احنا انهاردة كام في الشهر؟ انت مش هاتظبطني فلوس ولا ايه؟..يلا بقى اختصر عشان ماعنديش وقت نازل اصيع شوية مع صحابى(ال يعني وقتو من ذهب
)__________________
خروج الولد وموعد رجوعه للبيت..
زمان:-كان ممنوع التأخير ولو اتأخر لازم يعتذر ويقول اسباب التأخير
دلوقتى:- تلاقي الولد داخل الساعة 1 صباحاً ,باباه يقوله كويس انك متأخرتش النهاردة!!,يرد الولد تأخير ايه يا مان أنا طالع اغير هدومي ونازل تاني ,انا وكام واحد من اصحابي عندنا ماتش كده على الماشي .خش انت نام ومتقلقش وانا مش هتأخر...الاب نام وصحي ونزل يصلي الفجر وهو راجع يلاقي ابنه عند بتاع الفول بياكل !! ايه يابني انت لسه مروحتش؟ يرد الولد اهلااااا بالكبير معلش بقى الماتش سخن اصله ولسه مخلصين ^_^ وبعد كده لقينا عصافير بطننا (بتسوسو !!)قلنا نسدها بفول
_____________________
دخول الأب البيت..
زمان:-يسمعوا بس صوت باباهم من بعيد كله يقوم مرعوب واللى فى ايده حاجة يسيبها ويستقبلوا باباهم على الباب ولو معاه حاجة يشيلوها عنه
دلوقتى:-الولد قاعد قدام الكمبيوتر او بيتفرج على ماتش كورة ، البنت بتتكلم فى التليفون (مش فاضيين يعملوا ايه يقطعو نفسهم يعني؟ !!) الاب على الباب بيخبط (مع العلم ان الاب ليه خبطة مميزة يعني عارفين انه اللى على الباب) الاب خبط مرة واتنين ويرن الجرس فين وفين البنت اخدت بالها ان فى حد بيخبط,,انت يابني متسيب اللي في ايدك ده وتروح تفتح لبابا, ,يرد الاخ نعم هو انا هاخد اوامر من حضرتك؟؟؟ ما تقومي انتى ياختي بدل الرغي اللى مالوش لازمة,,؟؟ البنت :على الاقل انا بتكلم فى التليفون اقول ايه لصاحبتي يعني ؟؟انما انت مبتعملش حاجة ماتقوم انت .....ولا انت لازم تمارس دور راجل البيت وخلاص؟؟يرد ماتعدلي كلامك معايا انا اخوكي والولد
______________________
نزول الولد لشراء احتياجات البيت..
زمان:-كانت البنت المفروض متنزلش كتير والولد فى غياب الاب راجل البيت يعني يشتري كل احتياجات والدته دون تذمر
دلوقتى:-الام يطلع عينها من التحايل على الولد ينزل يجيب حاجة من البقال اللي جنبهم, يرد ويقول ماتخلي البنت اللي قاعده دي تنزل ماهي قاعدة ما بتعملش حاجة.الأم تقوله :يابني اختك المفروض ماتنزلش كتير ديه مهما كانت بنت والوقت متاخر.الولد :بنت يعني ايه؟؟العووو هياكلها مثلا؟ ديه بنتك تخوف بلد.:يابني انت المفروض راجل البيت..يرد وانتوا خليتوا فيها راجل مش طالبتم بالمساواة؟يالا اشربوا عشان تبقوا تقولوا الراجل زى الست.هى فى حاجات وحاجات لأ يعني؟؟حاجة غريبة اوي!!!
________________________
نزول المرأة للعمل..
زمان:-كانت المرأة بتسعى من اجل حريتها واثبات ذاتها وكيانها ووجودها وكانت تتمنى النزول للعمل
دلوقتى:-أنا لومانزلش معناه في كسر من حقوق المرأه ولو على الاطفال والتربيه ...مايقعد الباشا في البيت وهو يربيهم .. وبعدين عايزه تغير جو وتشوف ناس وتاخد خبره بدل قاعده البيت
من الاخر ((نازله تتفسح وتساوي بينها وبين الراجل))
تــــحيـــKoTyــــــاتي 
