يا شعبي حبيبي يا روحي يا بيبي يا حاطك في جيبي يا ابن الحلال.........يا شعبي يا شاطر يا جابر خواطريا ساكن مقابر وصابر وعال.......ياواكل سمومك يا بايع هدومك يا حامل همومك وشايل جبال.......يا شعبي اللي نايم وفي الفقرعايم وحاله ده حال......احبك مفرفش محشش مطنش ودايخ مدروخ واخر انسطال.......احبك مكبر دماغك مخدر ممشي امورك كده باتكال.........واحب اللي ينصب واحب اللي يكدب واحب اللي ينهب ويسرق تلال.....واحب اللي شايف وعارف وبالع لسانه وكاتم ما قال..........واحب اللي قافل عيونه المغفل واحب البهايم واحب البغال......واحب اللي راضي واحب اللي فاضي واحب اللي عايز يربي العيال.......واحب اللي يائس واحب اللي بائس واحب اللي محبط وشايف محال.......واحبك تسافر وتبعد تهاجر وتبعت فلوسك دولار او ريال........واحبك تطبل تهلل تهبل عشان مطش كورة وفيلم ومقال.......واحبك تايد تعضض تمجد توافق تنافق وتلحس نعال.......تحضر نشادر تجمع كوادر تلمع تقمع تظبط مجال...........................................لكن لو تفكر تخطط تقرر تشغل مخك وتفتح جدال.......وتبدا تشاكل و تعمل مشاكل وتنكش مسائل وتسال سؤال..........وعايز تنور وعايز تطور وتعملي روحك مفرد رجال؟.........ساعتها حجيبك لايمكن اسيبك وراح تبقي عبره وتصبح مثال.......حبهدل جنابك وازل اللي جابك وحيكون عزابك ده فوق الاحتمال.......وامرمط سعاتك واهزا سيادتك واخلي كرامتك في حاله هزال............... وتلبس قضيه وتصبح رزيه وباقي حياتك تعيش في انعزال........حتقبل ححبك حترفض حلبك حتطلع هتنزل حجبلك جمااال!!!