مرحبا بك في منتدى ميدو MoNtaDaMiDo

لتتمكن من الإستمتاع بكافة ما يوفره لك هذا المنتدى من خصائص, يجب عليك أن تسجل الدخول الى حسابك في المنتدى. إن لم يكن لديك حساب بعد, نتشرف بدعوتك لإنشائه.

SEFSFSS

شاطر
استعرض الموضوع السابقاذهب الى الأسفلاستعرض الموضوع التالي
avatar
فاطمة النجار
عضو مبتدئ
عضو مبتدئ
عدد المشاركات : 81

نقاطى : 3470

دولتى :

احسن ناس

في الثلاثاء يونيو 29, 2010 2:59 pm

ــ أحسن ناس ـــ


هقعد اقول مواويل
والناس تحدف طوب
مكنش ليه عنتره
مكنش ليه شيبوب

وأقعد اغني بصوتي
الاقي السما ألوان
والاقي جنبي زبالة
حواليها كوم دبان

طول عُمري واد هليس
وطالع صايع وبرم
بروح ميدان رمسيس
واتمشى لحد الهرم


وطول السكة ماشي
عمال بعاكس مزز
اقابل الشويش
يشدني وانحجز

واضربلي كام سيجارة
أعمل احلى دماغ
لا انا ضد الحكومة
ولا عايش بالدراع

وطول الليل أغني
وأقول يا عين يا ليل
الاقي الست تقولي
اصبر !!
الصبر جميل

وامشي وانا مش شايف
معرفش أي قدامي
والاقي واحد مشدود
اااه دا كان اخواني




بلدنا بلد الفن
والرقص والجدعنة
لو كان الهز فن
فوسطي فيه معجنة

ومشيت أكتر وشوفت
شاب في إيده موبايل
ضاربلي فـــ شعره جيل
وعاملي فيها استايل

وامشي كمان واشوف
البوي والجيرل فريند
لا حصلنا الصومال
ولا حتى طولنا الهند


بلدنا دي عجيبة
وأعجب من العجب
لو شوفت الصورة عدلة
يبأى الكتاب أتقلب

والأعجب من دا كله
ينادوا بالحُرية
عايشين احلى حياة
وسلام وديمُقراطية

أخدنا إيه م الغرب
غير هلس ومسخرة
ونقول احنا الفراعنة
ودا اللي جايبنا وره

هقول ايه يا ناس
وهشكي لمين حالي
مصاريف وديون كتير
شاغلة كتير بالي

هي قناة السويس
عاملالنا ايه يا ناس
لا شوفنا منها فلوس
ولا حتى كوم اقفاص



ولا فلوس السياحة
اعرف خدوها فين ؟
اوعى تقول حاجا !!
يمكن نروح فــ !!
كمين

بلدنا دي عايشة
والنهب فيها شغال
الأصل اسمه وزير
والمهنة ليه
نشال !!

ونيجي يوم نغني
وسلامنا للوطنية
ونقول الحالة عال
وفل ومية مية



عايشين يا ناس حياة
احلى من العسل
واللي يقول غير كدا
نلاقيه للسجن
وصل !!

لا هنافق ولا هكابر
ولا هنادي بصوت عالي
انا ابن بلد صحيح
بس الشرف غالي

شرف مين يا عم
سيب الملك للمالك
الكل فيها متعذب
والأكتر فيها هالك

لو كنت ماشي انتا
براحة جنب الحيط
مش شايل منشورات
لأ شايل
معاكـ كبريت!!



تولع السيجارة
وتهيس مع البنات
وتدخل نت
تشيت !!
وتقولي خد وهات

يعم فوق وصحصح
شوف قوتك وقوت عيالك
ركز معايا وفوق
شوف ايه اللي جرالك ؟؟

مش شايف أي حاجا
عملوله غسيل دماغ !!
لا عارف أي حاجا !!!
ولا يملك قرش ساغ

يلا بينا نغني
للكورة والمنتخب
أهلاوي ؟!!!؟
لأ زملكاوي ؟!!!؟
لمن منهم تنتسب ؟ !

شوفت الفيلم الجديد ؟
ايوه اكيد يا عم !
شوفت هيفا بترقص ؟
اه !!!
للنقطة كنت بلم


ويقولك ايه هنكتب
اغاني في الشرف
شرف مين يعمي
ابعد بلاش قرف !!

احنا عايزين نبايع
وننطاطي راسنا ليهم
نعيش دايماً قفا
مختوم ياما بإيديهم




خش يا بني وعلم
ع الحزب ع الحبايب
لا تقولي كبر ونفض
ما ضميرنا مات و غايب

عايشين يا ناس في ظلم
و سجن وبهدلة
واكبر حاجا نشوفها
صحفي عامل
بلبلة !!

يعم روح واتلهي
وشوفلك تمن حشيش
خلي الدماغ صاحي
ولعها يابا وعيش !!

روح شوف كليب روبي
او فيلم عادل إمام !!
ومتقولش حكومة وحشة
أوعى !!
تاخد إعدام

متقولش ايه اللي بيحصل
متقولش ايه اللي جرى
كل ما نطلع خطوة
نرجع مية لوره


ونمشي مع الحكومة
نقول الله عليها
لا عارفين السياسة
ما الكُل بيفتي فيها


ونقول سلام كمان
للدين وللأمانة
لو كان ضميرك حي
روح اقرب
اجزاخانة !!!



جبلك سم قاتل
وسم نفسك بيه
مش لازم ويا مايه
خليها كركاديه !!!



عايز تقول الحق ؟
ولا هتشهد زور ؟!
وتاخدلك المعلوم !!
وتغطي ع المستور

يعم ربك حافظ
هو لوحده العليم
بأن الزمة صاحية
اديني
كام مليم ؟!!

و هقولك كل حاجا
وهقول احلى كلام
هتسقف في المجالس
وتزود الأختام !!

هنبيع بنك مين !!
موافقة م الجميع
يطلعلنا الخبر
مع اشيك
مذيع !!!


يا عم هاتلك كيلو
من الكوسة بتاعتنا
هتوصل للمُراد
بس ابأى ادينا حتة ؟


عارف انا اقصد ايه ؟؟!
لأا عيب انا مش مرتشي
انا عايز كادو
وحاجا كدا
شفتشي !!!

يا عم سك ولخص
وهات من الأخر
هنعيش نقول مواويل
والقاري ليها ساخر

avatar
Tulip El Ahwa
المدير العام
المدير العام
عدد المشاركات : 9526

نقاطى : 14487

دولتى :

رد: احسن ناس

في الثلاثاء يونيو 29, 2010 3:05 pm
يسلموااااااااااااااا
gesg
avatar
EH@B
مشرف سابق
مشرف سابق
عدد المشاركات : 1073

نقاطى : 4481

دولتى :

رد: احسن ناس

في الخميس يوليو 01, 2010 12:13 pm
شكراً لك
رائع جداً
تسلم ايديك
وطبعاً و من غير كلام
شكراً لك
دمتي بود



avatar
bosy cat
نائب المدير
نائب المدير
عدد المشاركات : 2625

نقاطى : 6311

دولتى :

رد: احسن ناس

في الثلاثاء يوليو 13, 2010 1:34 am
:شكرا لك
avatar
Pulse of hearts
نائب المدير
نائب المدير
عدد المشاركات : 5047

نقاطى : 8637

دولتى :

رد: احسن ناس

في السبت أغسطس 28, 2010 3:44 am
:شكرا لك




لـسْتٌ مَعَ ثَقَآفَـــهْ آلآنْتِـــقَآمْ !! لَكِنَـــنِي أؤمِــــــنْ بأنَ البَعضْ بِحَــــــــآجَهْ لِـــــــدرُوسْ تَـــــأدِيـب

SEFSFSS
avatar
صمت الحزن
مشرفه سابقة
مشرفه سابقة
عدد المشاركات : 2954

نقاطى : 5897

دولتى :

رد: احسن ناس

في الجمعة ديسمبر 24, 2010 12:40 pm
تسلم ايدك موضوع روعه
جزاك الله كل خير


ابتسم فالوان
الحياه بين يديك
فبحب الله ورسوله
ستنعم بعيشه لا يأس فيها
ــــــــــميدو ــــــــــــ
khloOody(منور التوقيع)
استعرض الموضوع السابقالرجوع الى أعلى الصفحةاستعرض الموضوع التالي
خدمات الموضوع
 KonuEtiketleri كلمات دليليه
 Konu Linki رابط الموضوع
 Konu BBCode BBCode
 Konu HTML Kodu HTML code
إذا وجدت وصلات لاتعمل في الموضوع او أن الموضوع [ احسن ناس ] مخالف ,, من فضلك راسل الإدارة من هنا
صلاحيات هذا المنتدى:
لاتستطيع الرد على المواضيع في هذا المنتدى